早前，買了一對繡花鞋，結婚當日着褂時穿﹗
記得小時候，我住黃埔新邨，每有煙花，便會上天台看，很多住客都會聚集天台，然後嘩嘩嘩﹗圓形的大煙花就在頭頂，好像要掉下來一樣。感覺很近，隆隆聲好陣陷。
昨天國慶，終於再一次走上樓看，不過不是天台，而是空中花園，都叫看到，但感覺很遠很遠啊﹗也聽不到陣耳欲聾的聲響。有住客帶了收音機，隱隱約約播着一些似是文藝晚會的音樂，襯着眼前的煙花景，總覺得還是隆隆聲更配合。
搭船回家時，見到有很多警察封了公眾碼頭，還以為又有浮屍呢﹗後來聽說，原來是因為放煙花。不過，我在空中花園，站在四十幾樓看，都只見到遠遠的煙花，相信站在碼頭，根本甚麼也看不到吧？
煙花完了後，發現很多人離開屋苑，又發現很多單位門前放了十幾對鞋，相信都是有親朋特地來訪看煙花吧？如果是這樣，他們應該很失望，因為那些煙花，真的很遠很遠啊﹗
P.S.由於只有一部LIFT上到空中花園，所以上落時都滿晒啊﹗等了一段時間才能入到LIFT。
話說，我咸豐年前JOIN了一間叫SPA DXX的公司做擦背，環境舒適，職員又NICE又唔HARDSELL。我一直享受其中。
某一天，這間公司竟賣盤給變靚B﹗我最討厭的變靚B﹙我之所以討厭，全因其代言人縮水媽同椂柚葉﹚﹗但見擦背的阿姐還在，於是都繼續有去。有一次，仲JOIN左COURSE添﹗當時我表示擔心做唔切，但個SALES就話佢地不會有期限的，於是我就安心慢慢做。
後來，當時的SALES不見了，轉了另一個人。最近，佢居然同我講我的COURSE到期，我就話之前個SALES話沒有期限架喎﹗噉佢先話唔會架，全部都係1年期，但就俾多3個月我做埋佢。噉OK，我諗住我3個月都做得晒餘下的幾次，於是就接受了。
怎料，昨天再去時，佢又要我見佢，話我個COURSE到左期，我於是就話佢上次明明話俾3個月我，噉佢又話咩好難做，對話如下：
SUKX：噉樣我地好難做架喎，一係你有沒有心繼……
我：﹙打斷她﹚冇呀。
SUKX：點解呀？
我：我唔會JOIN，我覺得好似俾人扼噉。
SUKX：唔係喎，你有簽名架喎，點會扼呢？﹙指住我簽的名，但其實那個簽名是JOIN SPA DOX時簽落架﹗但當時我沒有即時反駁﹚
我：得啦，由得佢啦，就扣錢啦﹙隨即拿起筆在扣錢那欄簽名並起身開門﹚
SUKX：李小姐，你唔好噉……
我：﹙我又打斷佢﹚得啦，唔使喇，我唔想次次都咁煩呀﹗﹙開門出去按LIFT走人﹚
回想起，自己當時真係好有型，我想她也估唔到我會反應如此快和決絕吧？我不是潑婦噉同佢嘈，亦唔係大聲罵番佢，而係好乾脆的走人，擺出不希罕同佢糾纏的姿態。佢公司的RECEPTIONIST同我講再見，我仲有禮地回應添。
走到地鐵站，電話響起，佢SUKX打來，話咩同經理傾過，可以俾我3個月內做埋餘下的COURSE，今次也扣COURSE，我就話好啦。﹙現在回想，要有型到底，應該答話唔需要喇﹚
記得早前先同朋友講起，最討厭D人一路叫你JOIN COURSE，你話要考慮時，佢仲要問考慮D乜。煩到死，我考慮咩關你咩事呢？話要考慮，只係唔想直接拒絕你讓你難落台咋﹗係要迫到人唔俾面你﹗
今早，看到一則很恐怖的新聞……
廣東揭陽市警方近日破獲一個專門殺人賣屍集團，共有九名疑兇落網。據知情人士透露，從去年至今多人遇害，有指受害者逾400人，他們多是智障人士、精神病患者及長者，屍體主要賣到潮汕一帶的死者親屬或殯儀館。死者親屬買屍體目的是用偷龍轉鳳手法換取親人遺體得以土葬，而買來的屍體則送去火化；殯儀館買屍則是用作填數，以向當局展示推行火化的成績。
民智未開，強行推行火葬，結果造成這慘事。當然，賣屍者和買屍者均喪盡天良。賣屍的故然會不得好死，但買屍的又於心何忍？他們知道買來的都是死於非命的嗎？他們知道就是因為他們要買，才會出現這條屍嗎？他們知道因為他們親人的死而令另一條寶貴生命的結束，其親人即使能入土也一定不能安祥嗎？他們造成的孽要幾多生才能化解呢？
跟同事通電郵，講開火燭，令我回憶起一件事……
我小時候，家中試過火燭……現在回想都幾驚險，記憶中，父母好似都沒有鬧我喎……
想起阿爸這麼英勇救火，又想起一次，當時細佬未出世，我得幾歲人仔，一家三口去了海灘游水，其實我同媽都唔識游水的，但我地兩個就在淺水地方玩水，爸就坐在沙灘上。噉突然一個大浪把我們捲到海底﹙現在回想，想必很淺的吧﹚﹗我只記
