在新加坡，還有很多零零碎碎的記憶，希望大家不要嫌雜亂……
(閱讀全文)
終於由新加坡回來了﹗去了7天，人人都話太多，我卻覺得ok喎。
上了飛機不久，就有很大的驚喜，飛機餐甜品居然係……高級雪糕﹗﹗
一落機，馬不停蹄趕去聖陶沙，因為我book左做spa呀﹗個spa好正，有body scrub、vichy shower, body wrap, mini facial 同body massage，仲有一份好精美的三文治﹙其實唔多似三文治的﹚。
其中最亨受係vichy shower那一part，d水由唔同角度、力度打落身上，好舒服，好relax﹗仲要一路聽住像下雨的水聲，真係無得頂。佢地仲包埋去spa garden玩，在泳池上有兩張浮床，成個池得我一個人，我睡在浮床上，望着天空，隨水漂，好寧靜；又玩泥漿浴，把白色的泥塗滿全身，靜靜地坐着，也是很安靜的。總之很relax啦﹗
我第二次去聖陶沙，第一次係15年前了，當時記得只有一條龍做標誌，在前面影了相，同埋好似有個遊樂場。今天的聖陶沙唔同晒，多了很多野玩，名勝世界中的環球片場當然係重點，雖然細細地，但幾好玩呀。
梗要在地標留影啦﹗
最唔好彩的係其中一個吊腳過山車沒有開，那是最大的項目呢﹗
沒得玩很可惜……入場費可沒有平了呢﹗﹙平日要$66坡幣﹚
但mummy好好玩，有點像spacemountain，最搞野係，佢規定人要放低隨身物品在locker內，噉我地放好晒明走入去，見沒有人，九曲十三彎，中途有個男人走出來，他叫我們繼續前進，他只是因為太驚唔敢玩，所以走出來﹗那兒很暗，沒有人，只有彎彎曲曲的路，真的很驚啊﹗﹗但後來發現，過山車本身不是太驚，反而是進入時的氣氛更可怕﹗
就像去了埃及﹗
旋轉木馬我唔啱玩，但佢地的造型超爆笑﹗
佢好似想跟我番屋企﹗
在聖陶沙又玩了斜坡滑車，坐吊車，很好玩啊﹗哈哈﹗也去了不同的沙灘。
最好的係，成個聖陶沙內的交通都是免費的，各種shuttle bus的班次也很密，所以遊覽時很方便，這真值得一讚﹗
整個trip，幾乎日日落雨，我們要在上午去景點拍照，因為每天4、5點就會開始落大雨，落到7點左右。到最後一天，才去了看魚尾獅，才算真正去了新加坡呢﹗
金沙的賭場很靚，比起聖陶沙那個，有氣勢多了﹗
整體來說，我挺喜歡新加坡這城市，和香港有點像，但更綠化，更有藝術感和生活趣味。高樓大廈不多，反而成日見到一大片草地和很多樹木，建築物很美，也會有些手工藝店鋪，相比起來，香港就枯燥多了。
這趟旅行影了很多相，之後再慢慢post出來啦﹗
